വയനാട് ജില്ലയിലെ മുണ്ടക്കൈ ഉരുള്പൊട്ടല് ദുരന്തബാധിതരുടെ പുനരധിവാസ ഭാഗമായി 1000 സ്ക്വയര്ഫീറ്റില് ഒറ്റനില വീട് നിര്മ്മിച്ചു നൽകുമെന്ന് മുഖ്യമന്ത്രി പിണറായി വിജയൻ . ഭാവിയില് രണ്ടാമത്തെ നിലകൂടിക്കെട്ടാന് സൗകര്യമുള്ള രീതിയിലാകും അടിത്തറ പണിയുക.
ഈ വീടുകള് ഒരേ രീതിയിലാകും നിര്മ്മിക്കുക. ഗുണനിലവാരം ഉറപ്പുവരുത്തുമെന്നും മുഖ്യമന്ത്രി ഇന്ന് ചേർന്ന സർവ്വകക്ഷി യോഗത്തിൽ പറഞ്ഞു. ഇതിനു സമാനമായി വിലങ്ങാടിലെ ദുരന്തബാധിതര്ക്കും പുനരധിവാസം ഉറപ്പാക്കും. വീട് നഷ്ടപ്പെട്ടവര്ക്കാണ് പുനരധിവാസത്തില് മുന്ഗണന നല്കുക.
അതേസമയം, മാറി താമസിക്കേണ്ടിവന്നവരെ രണ്ടാം ഘട്ടത്തില് പരിഗണിക്കും. പുനരധിവാസ പാക്കേജില് ജീവനോപാധിയും കൂടി ഉറപ്പാക്കും. തൊഴിൽ ചെയ്യാൻ കഴിയുന്ന പരമാവധി പേര്ക്ക് തൊഴില് ഉറപ്പുവരുത്തും. എല്ലാ സ്ത്രീകള്ക്കും അവര്ക്ക് താല്പര്യമുള്ള തൊഴിലില് ഏര്പ്പെടുന്നതിന് ആവശ്യമായ പരിശീലനവും നല്കും. വാടകകെട്ടിടങ്ങളില് കച്ചവടം നടത്തുന്നവരെ കൂടി പുനരധിവാസത്തിന്റെ ഭാഗമായി സംരക്ഷിക്കുമെന്നും സംസ്ഥാന സർക്കാർ പ്രഖ്യാപിച്ചു.
The post മുണ്ടക്കൈ ഉരുള്പൊട്ടല്; ദുരന്തബാധിതർക്ക് 1000 സ്ക്വയര്ഫീറ്റില് ഒറ്റനില വീട് നിര്മ്മിച്ചു നൽകും: മുഖ്യമന്ത്രി appeared first on ഇവാർത്ത | Evartha.
from ഇവാർത്ത | Evartha https://ift.tt/zYSkZec
via IFTTT
No comments:
Post a Comment