ഇ വാർത്ത | evartha
കൊറോണ മൂലം പല രാജ്യങ്ങളും പെടാപ്പാട് പെടുമ്പോൾ നിങ്ങൾ ലോകത്തിനു മാതൃകയാണ്: കെ.കെ. ഷൈലജയെ അഭിനന്ദിച്ച് റെനിൽ വിക്രമസിംഗെ
കോവിഡ് പ്രതിരോധത്തിൽ ആരോഗ്യ മന്ത്രി കെ.കെ. ഷൈലജയെ അഭിനന്ദിച്ച് ശ്രീലങ്കൻ മുൻ പ്രധാനമന്ത്രി റെനിൽ വിക്രമസിംഗെ രംഗത്ത്. മെയ് 18ന് ആരോഗ്യമന്ത്രിക്കയച്ച കത്തിലാണ് അഭിനന്ദനം അറിയിച്ചിരിക്കുന്നത്. പരിമിതമായ വിഭവങ്ങൾ ഉപയോഗിച്ച് എങ്ങനെ കോവിഡിനെ നിയന്ത്രിക്കാനാവുമെന്നതിന് കേരളത്തിന്റെ ആരോഗ്യമന്ത്രിയായ നിങ്ങൾ മാതൃകയായെന്ന് വിക്രമസിംഗെ കത്തിൽ ചൂണ്ടിക്കാണിക്കുന്നു.
`കോവിഡ് പ്രതിരോധത്തിൽ കേരളം മാതൃകയാണ്. ആരോഗ്യപ്രവർത്തകരും പോലീസുകാരും വളണ്ടിയർമാരും അടങ്ങുന്നവരിൽ കോവിഡ് പരിശോധനകൾ തുടർച്ചയായി നടത്തിയത് ലോകത്തിനുതന്നെ മാതൃകയാക്കാം. കോവിഡ് പ്രതിരോധത്തിൽ മേഖലയിലെ തന്നെ ഏറ്റവും മികച്ച പ്രവർത്തനമാണ് കേരളത്തിന്റേത്´- കത്തിൽ പറയുന്നു.
3.5 കോടി ജനങ്ങളുള്ള കേരളത്തിൽ നാലുപേർ മാത്രമാണ് കോവിഡ് ബാധിച്ച് മരിച്ചത്. പ്രത്യേകിച്ചും കൊറോണയെ നിയന്ത്രിക്കാൻ പല രാജ്യങ്ങളും ഇപ്പോഴും പെടാപ്പാട് പെടുമ്പോൾ നിങ്ങളുടെ നേതൃത്വം അഭിനന്ദനം അർഹിക്കുന്നുവെന്നും വിക്രമസിംഗെ കൂട്ടിച്ചേർത്തു?.
Copyright © 2020 Evartha.in All Rights Reserved.
from ഇ വാർത്ത | evartha https://ift.tt/3bONTid
via IFTTT
No comments:
Post a Comment